Lønns- og rekneskapstenester

 

 

SSØ tilbyr alle statlege forvaltingsorgan og nettobudsjetterte verksemder å få levert økonomitenester innanfor:

• lønn
• rekneskap
• elektronisk fakturabehandling

SSØ leverer operative tenester til 75 % av dei statlege verksemdene i Noreg. Kundane blir betente frå regionkontora til SSØ etter kva departement dei tilhøyrer, mens sentraleininga utfører nokre av støttefunksjonane.

Forutan systemtenester tilbyr SSØ omfattande støtte i samband med opplæring og gjennomføring. Mellom anna tilbyr vi:

• innføringsstøtte med opplæring
• rutinebeskrivingar og brukarhandbøker
• registreringstenester  
• betalingsformidling
• landsdekkjande brukarstøtte
• kvalitetssikringssystem
• tilgang til eigen kundeweb

SSØ arrangerer òg seminar for større kundar og kundegrupper.

Du finn meir informasjon under dei ulike produktområda i menyen til venstre.

Korleis bli kunde

Kunden og SSØ gjer ein avtale i forhold til det konkrete innhaldet i leveransane. Dersom ei verksemd ønskjer at SSØ skal utføre delar av økonomifunksjonen, reknar ein med den årlege bruken av forvaltingsressursane til SSØ basert på omfanget av den avtalte arbeidsdelinga. Løyvingane til å dekkje bruken av dei aktuelle ressursane blir flytte frå kunden til SSØ ved hjelp av rammeoverføring.

I ein del tilfelle blir direkte kostnader vidarefakturerte frå tredjeparts leverandørar til kunden. Det skjer fordi SSØ opptrer som innkjøpar for kundane sine. Døme kan vere investering i SAP-lisensar, programvarevedlikehald og kundens del av teknisk drift knytt til lønns- og personaldatasystemet.

For meir informasjon om korleis SSØ kan betene akkurat din verksemd, ta kontakt med oss på telefon 400 07 997.